ويـاي
جـيـل
مستقبل عيالك بأمان!
ويـاي
جـيـل
مستقبل عيالك بأمان!
عيدية هالجـيـل غير وياي!
يقدر حامل بطاقة جـيـل يدز "لنك العيدية" من تطبيق وياي، اللي من خلاله يعايد على أهله وربعه ويطلب منهم العيادي وتدش بحسابه على طول!
مافي أسهل من لنكات "جـيـل"
يقدر حامل بطاقة جـيـل، يطلب فلوس بشكل سريع وفوري من اللي فتح له الحساب، أو حتى يدز لنكات يطلب فيها فلوس من أي شخص، والشخص اللي فتح الحساب ويتحكّم فيه... اهو اللي يقدر يفعّل هالخدمة أو يوقّفها.
بطاقة... حق "جـيـل" كامل وياي!
بطاقة بنك للشباب الصغار من عمر 8 لي14 سنة، تم تصميمها علشان تناسب احتياجاتهم وأعمارهم وتطلع لهم باسمهم، يستخدمونها بمشترياتهم أونلاين وبالمحلات والحساب يكون باسمك وانت اللي تتحكّم فيه بشكل كامل. تقدر تخلّيهم يعتمدون على نفسهم وانت اللي تدير الحساب!
شلون تطلبها؟
من خلال تطبيق بنك وياي يقدر أي شخص عمره بين 8 و 14... يختار لون البطاقة اللي يعجبه، وبعدها يدز لنك حق أي شخص من أهله (عمره 21+ سنة)، بس تحتاج (رقم موبايل، وإيميل، وبطاقة مدنية صالحة) للشخص اللي بتطلب له البطاقة.
البطاقة على ذوقهم!
تتوفّر البطاقة بـ3 ألوان مختلفة: الأصفر، الأزرق، والوردي، يقدرون اهم يختارون اللون اللي يعجبهم قبل لا يدزون اللنك حق أحد من أهلهم، أو انت تختار لهم اللون اللي يحبونه لما تفتح الحساب وتطلب لهم البطاقة.
تجربة بنكية رقمية جديدة حق عيالكم اللي أعمارهم من 8 الى 14 سنة، توفر لهم بطاقة سحب آلي بتصميم مميز وتطلع باسمهم وهم يقدرون يدخلون على تطبيق Weyay الخاص فيهم.
بطاقة جـيـل متوفرة بس حق عملاء وياي اللي أعمارهم 21 سنة وفوق.
البطاقة المدنية الأصلية للشخص اللي بتطلّع له البطاقة (وتكون مو منتهية)، رقم موبايل وإيميل (بريد إلكتروني) خاصين فيه ويكونون مو مستخدمين حق أي حساب من حسابات وياي.
تقدر تطلّع لغاية 10 بطاقات جـيـل، كل بطاقة تكون لطفل واحد.