مزايا وياي

مزايا جديدة تساعدك تحقّق أهدافك

اسبق غيرك بخطوة وياي، وفّرنا لك تكنولوجيا تخلّي معاملاتك البنكية أسهل وأسرع ⚡ وتقدر تعرف وين تروح مصروفاتك من خلال تصنيف معاملاتك لفئات مختلفة، مو بس چذي...طريقة التحويل بين ربعك وياي صارت فورية ومعاها لمستك الخاصة 😉

البطاقات الرقمية 🎮!

الحين تقدر تشتري البطاقات الرقمية اللي تحبها علشان تستمتع بالألعاب، الموسيقى أو حتى التسوّق. تبي بطاقات آيتونز، ستيم، أمازون أو حتى بلاي ستيشن، كل هذيل وأكثر بتحصّلهم الحين من خلال المحل الرقمي بالتطبيق.

شوف فلوسك وين تروح 👀

تقدر وياي تعرف وين قاعد تصرف فلوسك وشلون ممكن تقسّم ميزانيتك من خلال تصنيف معاملاتك لفئات مختلفة، وتقدر تتحكم فيهم وتغيّر الفئات حسب اللي يناسبك ويناسب احتياجاتك! 👌

التحويل فوري بين ربعك وياي! 👍

يبنا لك خاصية الظهور 😍 ومن خلالها تقدر تشوف ربعك اللي عندهم حساب وياي ومفعلين الخاصية، وتحولون حق بعض بشكل فوري وسريع!، فوق هذا تقدر تضيف لمستك الخاصة لأنك تقدر تكتب لهم مسج، تسجّل رسالة صوتية أو تضيف صورة لما تحوّل أو تطلب فلوس! 😉

شوف شلون

ضيف مبلغ بثواني! ⚡

وياي خطواتك دايما سريعة، تقدر تزيد رصيدك عبر كي-نت بشكل سريع من خلال التطبيق! علشان تستخدم بطاقتك وتستمتع بالعروض المكافآت اللي يايبينها بس لك! 😉

عندك سؤال؟ عندنا جواب

إذا كنت طالب وعمرك 15 سنة أو أكبر، عندك بطاقة مدنية كويتية، او تطبيق هويتي، وموبايل وما تبي تنطر دورك بالبنك، تقدر تكون جزء من وياي وتفتح لك حساب خلال دقايق.

نرحب بالكل! حتى لو كنت عميل الوطني حيّاك الله.

ما يبيلها شي! تصور بطاقتك المدينه او من خلال تطبيق هويتي, تجاوب جم سؤال وتكون خالص

راح تودّع معاملاتك المصرفية التقليدية مع وياي، البنك الرقمي الأول بالكويت.
نفتح لك أبواب المستقبل، نرفع طموحك لمستويات جديدة ونساعدك تطلع طاقتك وتحقق أهدافك المالية... وهذا كله من موبايلك. خلني أعلمك شلون...

عملية فتح الحساب رقمية 100% وفورية. راح تطلّع بطاقتك المصرفية بشكل فوري واحنا نوصلها لك وتقدر تتابعنا واحنا نوصلها لك. حمّل تطبيق وياي وشوف الخطوات المطلوبة منك وخلال دقايق راح يصير عنك حساب وياي.