مزايا البطاقة

بطاقتك على ذوقك

البطاقة بطاقتك، فخلينا لك حرية التصرف بفلوسك. دش التطبيق بأي وقت وشوف مصاريفك، غيّر الـPIN أو جمّد بطاقتك إذا ضاعت 💳

خلها على كيفك

صمّم بطاقة وياي على ذوقك. تقدر تختار بين اللون الأخضر🟢 أو الأزرق🔵، شنو راح تختار؟

جمّد بطاقتك

كلنا نضيّع بطاقاتنا🤦. إذا ضيّعت بطاقتك لا تشيل هم تقدر تجمّدها بسهولة لين ما تلقاها أو تطلب بدل فاقد.

اختار الـ PIN

تقدر تختار الـ PIN أول ما تفتح الحساب. وإذا نسيته لا تحاتي تقدر تشوفه أو تغيره بالتطبيق 🔒

وياك بالسوق

تقدر تدفع ببطاقتك لما تتسوق أونلاين من اللحظة اللي تفتح فيها الحساب. راقب مصاريفك وخل عينك على الإشعارات. راح تستفيد من عروض العلامات التجارية اللي تحبها

عندك سؤال؟ عندنا جواب

راح تودّع معاملاتك المصرفية التقليدية مع وياي، البنك الرقمي الأول بالكويت.
نفتح لك أبواب المستقبل، نرفع طموحك لمستويات جديدة ونساعدك تطلع طاقتك وتحقق أهدافك المالية... وهذا كله من موبايلك. خلني أعلمك شلون...

نبيك تبدا قصتك ويانا، واحنا ندري ان الوقت اللي تضيعه وانت ناطر دور وتحاتي لوية الأوراق اهوا وقت ممكن تستفيد منه بتحقيق أهدافك.
راح نعطيك كل الطرق اللي راح يخليك تقدر تتصرف بفلوسك، تحقق أهدافك، وتقدر توفر علشانها. ما راح تحاتي لوية الأوراق بعد اليوم وراح تاخذ مكافآت وياي. 

إذا كنت طالب وعمرك 15 سنة أو أكبر، عندك بطاقة مدنية كويتية، او تطبيق هويتي، وموبايل وما تبي تنطر دورك بالبنك، تقدر تكون جزء من وياي وتفتح لك حساب خلال دقايق.

عملية فتح الحساب رقمية 100% وفورية. راح تطلّع بطاقتك المصرفية بشكل فوري واحنا نوصلها لك وتقدر تتابعنا واحنا نوصلها لك. حمّل تطبيق وياي وشوف الخطوات المطلوبة منك وخلال دقايق راح يصير عنك حساب وياي.

نرحب بالكل! حتى لو كنت عميل الوطني حيّاك الله.