financial literacy

لا تشارك الـ OTP

رمز الـ OTP عبارة عن كلمة سر تستخدمها مرة وحدة للتوثيق أو المصادقة على أي عملية تسويها، لا تشارك هالرمز مع أي أحد، والبنك ما راح يسألك عن الـ OTP، الرقم السري، أو أي من هالبيانات، تجنّب عمليات الاحتيال وحافظ على خصوصية حسابك وبياناتك.

تجربة بنكية ذكية للصغار

نحب نزرع مفاهيم الثقافة المالية بالشباب من عمر صغير، علشان چذي سوّينا حساب جـيـل حق عيالكم الشباب الصغار اللي أعمارهم من 8 لي 14 سنة، تجربة بنكية آمنة لهم وبتحكّم كامل عند الأهل، حساب جـيـل يساعدهم يتعلمون إدارة فلوسهم بأفضل طريقة من خلال واجهة تطبيق بسيطة، واللي يفتح الحساب لهم يقدر يتابع كل مصاريفهم ويتحكّم بالمزايا اللي فيها من التليفون.

التوفير أسهل وياي

لما تكون أهدافك واضحة بيكون التوفير سهل، وراح يكون أسهل باستخدام أدوات التوفير الذكية بتطبيق وياي، تقدر تحدّد الهدف اللي تبي توصل له، وتتابع مصاريفك أول بأول، وتقدر بعد تقفل الحصالة أو تخفي المبلغ اللي فيها علشان تضمن إنك ما تصرفه وتوفّر أكثر، أو تختار الحصالة Pro وتزيد فلوسك لأن لك فايدة لغاية 1% على حسب المبلغ اللي بالحصالة، كل ما وفّرت أكثر... بتحصّل فايدة أكبر.

القروض الرقمية، الأولى من نوعها بالكويت

إذا كنت محتاج تاخذ قرض، بس وياي صارت الخطوات أسهل وأسرع، لأن سوّينا أول تجربة قرض بشكل رقمي بالكامل من بداية تقديم الطلب لي إيداع المبلغ بالحساب، بس لازم تكون متأكّد إنك محتاج القرض ومستوفي الشروط الخاصة بالقروض ببنك وياي، وراح تقدر تتحكّم بكل شي يخص القرض مثل الدفعات الياية أو الإضافية من التطبيق.

دليل حماية العملاء

جزء من مسؤوليتنا كبنك، إن احنا نحافظ على ثقة العملاء ونحميهم من أي مخاطر، علشان چذي تقدر تشوف "دليل حماية المستهلك" وهالشي من باب الشفافية والأمان لك.

اضعط هني