حصالة عن حصالة تفرق
حصالة عن حصالة تفرق
حقّق أهدافك وياي 🎯
استفيد من حصالات التوفير بتطبيق وياي ووفر فلوس عالجنب وخطّط لأهدافك صح! تقدر تسوّي لغاية 5 حصالات (حصالات عادية وحصالات Pro) بدون حد أدنى لرصيد الحصالة.
اخذ لغاية 1% فايدة سنوية مع حصالة Pro 💰
كثر ما توفّر، كثر ما تستفيد! لما توفّر بحصالة Pro أقل من 500 د.ك راح تحصّل فايدة سنوية بنسبة 0.5%، وتزيد النسبة لغاية 1% إذا وفّرت 500 د.ك أو أكثر، ويتم إيداعها بشكل شهري.
شلون أزيد مبلغ الفايدة الشهرية؟ 👀💲
وفّر فلوس بالحصالة بشكل مستمر ولا تنسى تفعّل التحويل المتكرر من حسابك وياي الأساسي لحصالتك Pro وچذي يزيد مبلغ الفايدة اللي تحصله كل شهر!
FAQS
صمّمنا لك هالميزة علشان تساعدك توفّر أكثر بتطبيق وياي مع إمكانية إنك تفتح لغاية 5 حصالات وتسوّي كل حصالة بالطريقة اللي تبيها مع الاسم والصورة اللي يناسب هدفك🎯 .
ما في مبلغ معين، تقدر تفتح الحصالة العادية أو Pro بالمبلغ اللي تبيه.
نحسب الفايدة السنوية على حسب الرصيد المتوفر والنسبة المطبّقة بحصالة Pro، لما توفّر بحصالة Pro أقل من 500 د.ك راح تحصّل فايدة سنوية بنسبة 0.5%، وتزيد النسبة لغاية 1% إذا وفّرت 500 د.ك أو أكثر، ويتم إيداعها بشكل شهري.
راح يتم إيداع الفايدة الشهرية في حصالة Pro ببداية كل شهر.